Skip to content

Habari

Habari
Hifadhi

Risala na Barua

Matini
Hifadhi

Kumbukumbu na Simulizi

Kabla ya Mapinduzi
Baada ya Mapinduzi

Sauti na Taswira

Picha
Sauti
Video
Kiongozi Muadhamu Aonana na Waziri, Manaibu na Wakurugenzi wa Wizara ya Usalama wa Taifa Chapa
09/08/2016
Ayatollah Khamenei and the Minister of IntellegienceAyatullah Udhma Sayyid Ali Khamenei, Kiongozi Muadhamu wa Mapinduzi ya Kiislamu leo jioni (Jumanne) ameonana na Waziri na manaibu na wakurugenzi wa Wizara ya Usalama wa Taifa ya Jamhuri ya Kiislamu ya Iran na kusema kuwa, wizara hiyo ni ngao muhimu mno na nyeti na ni jicho linaloangalia mbali na lililo macho la mfumo wa Jamhuri ya Kiislamu na kusisitiza kuwa: Wizara ya Usalama wa Taifa ya Iran ni tabaka lililoundwa na mfumo wa Kiislamu na haipasi kuruhusiwa liingie madhara ya aina yoyote yale.
Ayatullah Udhma Khamenei ameishukuru Wizara ya Usalama wa Taifa kutokana na kazi kubwa za usiku na mchana zinazofanyika kwa moyo wa imani thabiti ya kitini katika nyuga tofauti ndani ya wizara hiyo na kusema kuwa, ushindi na kuweza kubakia na kudumu Mapinduzi ya Kiislamu kunatokana na kulindwa na kuhifadhiwa imani hiyo thabiti ya kidini. Ameongeza kuwa: Kushindwa uistikbari wa kimataifa kukabiliana na mfumo wa Jamhuri ya Kiislamu licha ya kuweko wimbi kubwa la njama na hila za kila namna za adui huyo tangu awali kabisa ya Mapinduzi ya Kiislamu hadi leo hii, ni jambo ambalo lisingeliwezekana bila ya kuwepo silaha ya imani thabiti.
Kiongozi Muadhamu wa Mapinduzi ya Kiislamu aidha amesema, hatua yoyote ile ya kujaribu kudhoofisha imani ya wananchi na viongozi wa Jamhuri ya Kiislamu ya Iran ni usaliti. Ameongeza kuwa: Nguvu madhubuti ya kiulinzi ambayo imekuwa nayo Iran kwa miaka yote hii ni nguvu yake ya kiimani na kama silaha hii yenye nguvu na muhimu sana itadhoofishwa, basi kutatokea madhara makubwa sana.
Ametumia fursa hiyo kuihimiza mno Wizara ya Usalama wa Taifa ya Iran kujiimarisha kimaanawi na kiimani na kusisitiza kuwa: Wizara ya Usalama wa Taifa ya Iran ni tabaka lililoundwa na mfumo wa Jamhuri ya Kiislamu na haipasi kuruhusu ipate madhara ya namna yoyote ile, hivyo suala la kuimarishwa mambo muhimu ndani ya wizara hiyo kama vile imani na umaanawi inabidi lipewe hima kubwa zaidi kuliko katika taasisi nyingine yoyote.
Kiongozi Muadhamu wa Mapinduzi ya Kiislamu amegusia nafasi kubwa ya Wizara ya Usalama wa Taifa ya Iran ya kuweza kupata nguvukazi ya vijana wanamapinduzi walioimarika kiimani na kusisitiza kuwa: Kizazi kipya ndani ya Wizara ya Usalama wa Taifa kinapaswa kukuzwa na kuimarishwa kimapinduzi na kithamani kama huko nyuma.
Ayatullah Udhma Khamenei ameitaja Wizara ya Usalama wa Taifa kuwa ni jicho linaloona mbali na lililo macho la mfumo wa Jamhuri ya Kiislamu na kuongeza kuwa, misingi na misimamo ya Mapinduzi ya Kiislamu inabidi ichungwe na ilindwe kikamilifu ndani ya Wizara ya Usalama wa Taifa.
Amesema, misingi ya Mapinduzi ya Kiislamu inapatikana kwa wadhiha kabisa katika athari na miongozo iliyo wazi ya Imam Khomeini (quddisa sirruh) na kusisitiza kwamba: Wajibu wa viongozi na wananchi wa Iran kuweka mpaka ulio wazi baina yao na kichwa cha mrengo wa ubeberu yaani Marekani ni miongoni mwa misingi mikuu na isiyotetereka ya Imam wetu mtukufu na suala hili si la kuzembewa wala kudharauliwa hata kidogo.
Ayatullah Udhma Khamenei ameongeza kuwa: Wizara ya Usalama wa Taifa ina wajibu wa kuweka kambi sehemu yoyote inayoweza kwa ajili ya kumchunguza na kufuatilia nyendo za adui mwenye nia ya kutoa pigo kwa mfumo wa Jamhuri ya Kiislamu. Inabidi wizara hiyo iweko sehemu zote hizo na kuzifanya kuwa ni katika maeneo ya kuyafanyia kazi.
Mchango wa Wizara ya Usalama wa Taifa katika kufanikisha uchumi wa kimuqawama ni nukta nyingine iliyosisitiziwa na Kiongozi Muadhamu wa Mapinduzi ya Kiislamu katika hotuba yake hiyo. Amesema: Utatuzi wa matatizo yaliyopo nchini, ni uchumi wa kimuqawama, na tayari kazi za kufanikisha uchumi huo zimeanza katika baadhi ya sekta, lakini lililo muhimu ni kuonekana hadharani matunda ya kazi hizo.
Vile vile amesisitizia wajibu wa Wizara ya Usalama wa Taifa kutoa mchango unaotakiwa katika vita dhidi ya ufisadi wa kiuchumi.
Kabla ya hotuba ya Kiongozi Muadhamu wa Mapinduzi ya Kiislamu, Hujjatul Islam Walmuslimin Alavi, Waziri wa Usalama wa Taifa wa Jamhuri ya Kiislamu ya Iran ametoa ripoti fupi na jumla kuhusiana na ratiba na kazi za wizara hiyo.
 
< Nyuma   Mbele >

^